الرئيسيةالرئيسية  التسجيلالتسجيل  دخولدخول  
المنتدى الجديد انتقل الى موقع اخر www.qa-g.com

شاطر | 
 

 طلعت فراسي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد بلغازي
مبدع
مبدع


الجنس : ذكر
الابراج : العقرب
عدد الرسائل : 183
تاريخ الميلاد : 31/10/1954
العمر : 62
الدولة : المغرب
الهواية : صحفي
المزاج : متقلب

مُساهمةموضوع: طلعت فراسي   الأحد 6 سبتمبر - 12:41

طلعت فراسي


شحال من مرة
نسيت راسي
وبقيت حيط
يتكاو عليه الناس
للي رتاح منهوم
سلك راسو زاد
خلا الحيط
نضرب فيه الراس
شحال من مرة
دوخت راسي براسي
عل وعسى
يقول لراسو راسي
نقز الحيط
كون بحال الناس
شحال من مرة
قلت لراسي
شحال قدك يا هاد الراس
ما تبقا حيط
متكي على البرد
قدام الناس
وفكل مرة نجاوب راسي
اللهم حيط
متكي على البرد نقاسي
ولا نفاخة عامرة بالهوا
هازها البرد القاسي
عييت
ننسي راسي
ندوخ راسي
نسول راسي
نجاوب راسي
نقول لراسي
على الحيط والناس المتكية
والبرد وحبالو لمدلية
والراس للي ما يدور كدية
على هاد الحال
مع راسي وما زال
مرة دايخ ومرة ناسي
حيط قصير بلا باب
من قومان نعاني
ومنهوم نقاسي
أفينك أراسي
دير راسك بين الروس
وفوسط لعتارس كون عتروس
ويلا ما عجبك حال ...سوس
هكدا يا ناس
أنا مع هاد الراس
قارة فقلب قارة
وفكل قارة عساس
شحال من مرة
عاودت لراسي
ودبرت لراسي
وما دبرت على راسي
شحال من مرة
فرعت راسي
صدعت راسي
خربقت راسي
ما بقيت فراسي
ومللي لقيت راسي
ما برعت راسي
وغير كندبز مع راسي
بان ليا بللي ...طلعت فراسي...
الرجوع الى أعلى الصفحة اذهب الى الأسفل
ABDULLAH
مبدع
مبدع


الجنس : ذكر
عدد الرسائل : 103
الدولة : السعودية- العاصمة
الهواية : ((الفن التشكيلي وكل ماهو فن))
المزاج : بعدد ألوان الطبيعة أكون رايق

مُساهمةموضوع: رد: طلعت فراسي   الأحد 6 سبتمبر - 23:04

حاشا من يزعلك ويزهقك يابلغازي
كلمات معبرة وفي الصميم المغربي الشعبي
شعر عامي مغربي ..أعشقة لدرجة أني
أتابع القنوات المغربية لسماع الهدره المغربية
الجميلة التلقائية .
فضلا عن اللهجة الأمازيغية الصعيبة بزاف.
تحيتي لك .
الرجوع الى أعلى الصفحة اذهب الى الأسفل
أمونة سعاد
مبدع
مبدع


الجنس : ذكر
عدد الرسائل : 315
الدولة : المغرب
الهواية : موظفة

مُساهمةموضوع: رد: طلعت فراسي   الثلاثاء 8 سبتمبر - 7:41

أه يا أخي بلغازي
راسي يا راسي
شحال قدو ما يفكر
وشحال قدو ما يهز
الزمان صعاب على راسي
كيف ندير حتى نبرع راسي
هي فعلا من صميم الواقع
تهلا في راسك
تحياتي
الرجوع الى أعلى الصفحة اذهب الى الأسفل
شروق
مبدع
مبدع


الجنس : انثى
عدد الرسائل : 160
الدولة : *****
الهواية : *****

مُساهمةموضوع: رد: طلعت فراسي   الثلاثاء 8 سبتمبر - 8:39

الى ماتهرس الراس مايتسمى راس
ومعارف اش فالمزود غير المخبوط به
ومادير راسك بين الروس مابقات كتنفع
وكنتمنى لراسك يدير عقلو فراسو ويعرف اش بغا راسو
تهلا فراسك وبلا مطلع لراسك فراسك

تحياتي
الرجوع الى أعلى الصفحة اذهب الى الأسفل
محمد بلغازي
مبدع
مبدع


الجنس : ذكر
الابراج : العقرب
عدد الرسائل : 183
تاريخ الميلاد : 31/10/1954
العمر : 62
الدولة : المغرب
الهواية : صحفي
المزاج : متقلب

مُساهمةموضوع: رد: طلعت فراسي   الجمعة 11 سبتمبر - 8:39

طلعت لراسي فراسو
وللي كان كان
الراس للي ما يدور كدية
قالوها زمان

سي عبد الله
كي راسك كي راسي
حنا غير ريوس
يحسبونا كل عام
هذا فلان وهذا فلان
تزعل ولا ما تزعلش
شحال حنا فالميزان

وأنت يا سعاد
ياك راسك بين كتافك
هاز راسو لاصق مزيان
برعيه وزيدي برعيه
وإياك تحطيه
بين روس الخرفان

شرقي وغربي يا شروق
يلا تهرس الراس وبانو الشقوق
ما بقا فيه لا عين ولا لسان
وكون ما كانش عقلي فراسي
ما نقول \ طلعت فراسي \
وهذا برهان...

إلى اللقاء
الرجوع الى أعلى الصفحة اذهب الى الأسفل
 
طلعت فراسي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ذكريات الماضي :: -(فضاء الأدب والمسرح)- :: الشعر العامي-
انتقل الى: